Pony Bravo (Sala Mondo, Vigo, 11/11/11)

La voz del hacha dice la verdad / parte el tronco justo por la mitad

Como mola a verdade de Pony Bravo! É surrealista, intensa, original, divertida... este quarteto sevillano chegou a Vigo já bem rodado e perpetrou um concerto redondo, nom demasiado extenso pero completo. Adoitam ser comparados com Triana e Veneno, e nom se erra moito ao dizer isso; tamém é certo que nalgum tema lembram aos Doors... pero em realidade som moito mais, e uma cançom sua pode tirar igualmente cara o reggae, por exemplo, ou cara ritmos africanos (som confesos admiradores de Fela Kuti), ou mesmo cara o kraut-rock ou o post punk, influências estas últimas que se notam mais no seu grupo paralelo, Fiera. Eu apenas os conhecia, mais alá de ter escoitado "Noche de setas" em Radio 3, mas a sistematica escoita do seu último disco ("Un gramo de fe") previamente ao concerto me preparara para uma boa descarga musical, da que saim convertido em fan.

Os seus discos podem-se baixar de balde na web El Rancho, pero hey, por que nom comprá-los? Já só polo artwork - onde convivem nazarenos, Cobi, a esfinge Chiquito ou as flores psicodélicas - já merece a pena. E do genial packaging do disco de Fiera, "Déjese llevar", já melhor nem falamos... provavelmente o mais original dos que alberga a minha colecçom de discos!

Prefiro nom entrar demasiado em detalhes sobre se tocárom este ou aquel tema; à fim e ao cabo repassárom praticamente todo o disco. Só uma mençom especial: ao bis no que tocárom uma nova cançom, "Mi DNI", hilarante narraçom dum encontro com um crítico musical, suponho que baseada em feitos reais, e que agardo que gravem quanto antes. Deixo um fragmento da sua interpretaçom de "Ninja de fuego", um de tantos temazos: